धार्मिक मान्यता अनुसार महाशिवरात्रि पर्वलाई निकै शुभ मानिन्छ। महाशिवरात्रिको दिन शिव मन्दिरहरूमा शिव भक्तको भीड लाग्ने गर्दछ। यस दिन शिव मन्दिर तथा घरमा महादेवको विधिवत् पूजा गरिन्छ।

फागुन महिनाको त्रयोदशीका दिन महाशिवरात्रि पर्व मनाइन्छ। यस वर्ष महाशिवरात्रि फागुन ६ गते परेको छ। यस वर्ष महाशिवरात्रिमा धेरै दुर्लभ संयोगका कारण यस दिनको महत्त्व बढ्दै गएको छ। महाशिवरात्रिको दिन कुन राशिका लागि अत्यन्तै लाभदायी रहनेछ, जान्नुहोस्….

शिवरात्रि पर्व कुन-कुन राशिका लागि लाभदायक छ?
मेष, वृष, मिथुन, धनु, तुला र कुम्भ राशिका व्यक्तिहरुलाई महाशिवरात्रिमा विशेष लाभ मिल्नेछ। यस दिन आकस्मिक धन लाभको योग हुनेछ। यस दिनको महाशिवरात्रिको व्रत राख्नाले यी राशिका व्यक्तिहरुका लागि लाभदायक हुन्छ।

यस दिन भगवान शिवको यथाशक्य ध्यान गर्नुहोस्। भगवान शिवको पूजा गर्नुहोस्। शिवरात्रीका दिन विधिपूर्वक भगवान शिवको पूजा आराधना गर्नाले दुःखबाट मुक्ति मिल्नुका साथै जीवनमा सुख–समृद्धि आउने जनविश्वास रहेको छ। यस दिन रुद्राभिषेक गर्नाले चार प्रहरको पूजा गरे बराबर फल प्राप्त हुने जनविश्वास छ।

शनि प्रदोष व्रत – यस वर्ष पनि महाशिवरात्रिका दिन शनि प्रदोष व्रत मनाइँदैछ। यो व्रत सन्तान प्राप्तिका लागि निकै लाभदायक मानिन्छ।

ग्रहको स्थिति- यस दिन शनिदेवले कुम्भ राशिमा गोचर गर्नेछन्। यसका साथै सूर्य पनि चन्द्रमासँग शनिको राशि कुम्भ राशिमा प्रवेश गर्नेछ। करियर र आर्थिक क्षेत्रमा ग्रहको स्थिति लाभदायक साबित हुनेछ।