सनातन धर्ममा माता लक्ष्मीलाई धन र समृद्धिकी देवी मानिन्छ। लक्ष्मी देवी प्रसन्न भएमा मानिसको जीवनमा सुधार आउन बेर लाग्दैन भन्ने विश्वास मानिसमा रहेको छ। यही कारणले गर्दा सबै मानिस आ–आफ्नो तरिकाले लक्ष्मीलाई प्रसन्न गर्ने प्रयासमा लागेका हुन्छन्।

धार्मिक विद्वानहरुका अनुसार कसैको जीवनमा आएको आर्थिक संकट हट्ने नाम लिइरहेको छैन भने माता लक्ष्मीको कृपा प्राप्त गर्न वैभव लक्ष्मी व्रत राख्नुपर्छ। यस व्रतसँग सम्बन्धित नियमहरू कडा छन् तर जसले यसलाई पालन गर्छन्, उनीहरूको जीवनमा सुख र समृद्धि आउन बेर लाग्दैन।

सबैभन्दा पहिले जान्नुहोस् कुन दिन वैभव लक्ष्मी व्रत राख्ने ? शास्त्र अनुसार शुक्रबारको दिन यो व्रतको सबैभन्दा शुभ दिन मानिन्छ। ११ वा २१ शुक्रबारको दिन यो व्रत निरन्तर राखेर यसको उदयपन विधिपूर्वक गर्न सकिन्छ। यसरी व्रत बस्दा माता लक्ष्मी प्रसन्न भई आफ्नो आशीर्वादको वर्षा गर्छिन्।

वैभव लक्ष्मी व्रत विधि: यो व्रत गर्न हरेक शुक्रबार बिहान नुहाएर शुद्ध लुगा लगाउनुपर्छ। त्यस दिन सेतो वा रातो रंगको कपडा लगाउनु शुभ मानिन्छ। त्यसपछि फलफूल सेवन गरेर व्रत (वैभव लक्ष्मी व्रत) राख्न सक्नुहुन्छ।

साँझ पुनः नुहाउने वा तातो पानीले हात खुट्टा धुने र रातो कपडा बिछ्याउने। यसपछि माता लक्ष्मीको मूर्तिलाई पूर्व दिशामा फर्काएर स्थापना गर्नुहोस् र उनको अगाडि एक मुट्ठी चामल चढाउनुहोस्।

त्यसपछि त्यो चामलमा पानी भरिएको तामाको कलश राख्नुहोस्। यस कलशको माथि कचौरामा कुनै पनि चाँदी वा सुनको गहना राख्न नबिर्सनुहोस्। यसपछि माता लक्ष्मीलाई सिंदूर, रोली, चामल, खीर चढाउनुहोस्। यसपछि वैभव लक्ष्मी कथा पढ्नुहोस् र विधिवत पूजा गरेपछि सुत्नुअघि भोजन गर्न सक्नुहुन्छ।

वैभव लक्ष्मी व्रतको नियम जान्नुहोस् यदि तपाईं माता लक्ष्मीको आशीर्वाद प्राप्त गर्न चाहनुहुन्छ भने, यो व्रत (वैभव लक्ष्मी व्रत)सँग सम्बन्धित नियमहरू अवश्य पालना गर्नुहोस्। यसो गरिएन भने व्रत बस्दा पनि यसको पूर्ण पुण्य मिल्दैन।

व्रतको दिन अमिलो खानेकुरा नखाने कुरामा ध्यान दिनुपर्छ। यसका साथै माता वैभव लक्ष्मीको व्रतमा श्रीयंत्रको पूजा गर्नुहोस्। साँझमा लक्ष्मीको आरती पछि व्रत समाप्त गर्दा, मूर्तिमा खीर चढाउनुहोस्। यी उपाय गर्नाले देवी लक्ष्मीको आशीर्वाद तपाईंमा सधैं हुनेछ।