प्रेमलाई केहीलाई रोक्न सक्दैन भन्ने उदाहरण एक जोडीले प्रस्तुत गरेका छन् । उनीहरुको पहिलो भेट पनि अचम्म तरीकाले भएको थियो । यो घटना भारतको हो ।

बिहारको राजधानी पटनामा झारखण्डकी एक केटी र झारखण्डका एक केटाले विवाह गरेका छन् । पटनाको फुलवारी शरीफ थानाका प्रहरीहरूले यो मायालु जोडीलाई विवाह गराए । केटा झारखण्डको बारादिहका बासिन्दा हुन् भने केटी झारखण्डको रामगढको हजारीबागकी बासिन्दा हुन्।

जानकारीका अनुसार झारखण्डको रामगढस्थित हजारीबाग निवासी केटीकी आमाले ऋण लिएकी थिइन् । सहकारीबाट लिएको ऋणको पैसा तिर्न सकेनन् । जसका कारण झारखण्डको बरादिह निवासी रिकभरी एजेन्ट अमर कुमार युवतीको घरमा जान थाले ।

अमरले केटीकी आमालाई ऋणको पैसा फिर्ता गर्न भन्न थाले । ऋण असुलीका क्रममा रितु नामकी युवतीले अमरकुमारसँग लगातार भेट गरिन् र उनलाई आफ्नो मन दिएकी थिइन् ।

अमर र रितु दुवैको माया समयसँगै बढ्न थाल्यो । केही दिनपछि एक समय यस्तो आयो जब दुवैले सँगै बाँच्ने र म र्ने वाचा गरे । युवती अमरसँगको घर छोडेर बिहार भागे र दुवै पटनामा बस्न थाले ।

युवती र युवक विगत ६ महिनादेखि पटनाको फुलवारी क्षेत्रमा बस्दै आएका थिए । दुई दिनअघि अमरले युवतीसँग बिहे गर्न अस्वीकार गरेका थिए । यसपछि केटी फुलवारी शरीफ प्रहरी चौकी पुगेर पुलिसलाई आफ्नो पूरै कथा सुनाइन् ।

अमर विरुद्ध उ’जुरी दिन आएकी युवतीलाई मनाउन थालेपछि प्रहरीले दुवैबीच सम्झौता गराएको थियो । प्रहरीको उपस्थितिमा दुवैले फुलवारी शरीफको शिव मन्दिरमा विवाह गरेका थिए । विवाहपछि दुवै झारखण्ड फर्किएका छन् ।