रियल म्याड्रिड केलियन एमबाप्पेमा आफ्नो चासो पुन: जगाउन तयार छ। तर यस पटक उनीहरुका केहि शर्तहरु छन्। लस ब्लान्कोसले पेरिस सेन्ट जर्मेन (पीएसजी) स्टारले स्थानान्तरणका लागि दबाब दिनुपर्ने र आफ्नो तलब घटाउन् भन्ने पक्षमा रहेको छ।

पीएसजीसँगको सम्झौताको म्याद सकिएपछि एमबाप्पे गत वर्ष रियल म्याड्रिड सरुवासँग नजिक थिए। तर एम्बाप्पेले अन्तिम समयमा आफ्नो निर्णय बदले र उनी पिएसजीमै रहन तयार भए।

पेरिसियनहरूले एम्बाप्पेसँगको सम्झौता तीन वर्षको सम्झौता थप गरे। एम्बाप्पे नि:शुल्क स्थानान्तरणमा सामेल हुने अनुमानमा आफ्नो भावी योजना आधारमा स्पेनिस टोली निराश हुन पुग्यो।

मार्काका अनुसार रियल म्याड्रिड फेरि एम्बाप्पेका लागि क्लबको ढोका खुल्ला गर्न तयार छ। जे होस्, उनीहरु फरवार्डले पिएसजीलाई एम्बाप्पेले आफूलाई बिक्री गर्न दबाब दिउन् भन्ने चाहन्छन्।

पिएसजीसँग एम्बाप्पेको सम्झौता अझै दुई वर्ष भन्दा बढी समय बाँकी रहेका कारण पिएसजीले उनलाई कम मूल्यमा बिक्री नगर्न सक्छ। त्यसैले रियल एम्बाप्पे आफैंले क्लबलाई दबाब दिउन् भन्ने पक्षमा देखिएको हो।

त्यस्तै एम्बाप्पेले आफ्नो पारिश्रमिक पनि घटाउन भन्ने रियलको चाहना रहेको छ। एम्बाप्पेले पिएसजीमा साप्ताहिक १ मिलियन युरो पारिश्रमिक पाउँदै एक छन्। तर सो बराबरी पारिश्रमिक दिन रियल तयार छैन।

फ्रेन्च युवा स्टारको नाम लामो समय देखि रियल म्याड्रिडसँग जोडिरहेको छ। रियलले पनि उनलाई लामो समय देखि भित्र्याउन चाहिरहेको छ। गत सिजनको अन्त्यमा एम्बाप्पे रियल जानबाट धेरै नजिक थिए।

त्यसबेला एम्बाप्पेले रियलसँग मौखिक सहमति समेत गरिसकेको खबर बाहिर आएका थिए। तर विभिन्न कारणले गर्दा एम्बाप्पेले आफ्नो निर्णय अन्तिम समयमा बदलेका थिए। फ्रान्सका राष्ट्रपति समेतले दबाब दिएपछि उनी पिएसजीमै रहन बाध्य भएका थिए।

अन्तिम समयमा निर्णय बदलेपछि रियल एम्बाप्पेसँग क्रोधित भएको थियो। एम्बपपेको सो निर्णयलाई रियलले धोकाको रुपमा हेरेको बताइन्छ। तर पनि रियल एम्बाप्पेलाई अन्तिम मौका दिने तयारी गरिरहेको छ।