प्रायः भनिन्छ दिनको शुरुवात राम्रो भयो भने दिनभर पनि राम्रो हुन्छ र हरेक व्यक्तिको चाहना हुन्छ कि उसको जीवनमा आउने समस्याहरु सहजै टाढा रहोस्।

बिहान उठेपछि चराहरूलाई खाना खुवाउँदा मानसिक शान्ति मिल्छ र यसो गर्दा कुण्डलीमा अशुभ फल दिने ग्रहहरू पनि शान्त हुन्छन्। यसका साथै बिहानै चराहरूलाई पानी पनि दिन सक्नुहुन्छ। तर, यस समयमा चराहरूलाई सफा ठाउँमा खाना र पानी दिनुपर्छ।

चराहरूलाई दाना खुवाउनु बाहेक बिहान उठेर कालो कमिलाहरूलाई चारा खुवाउन सक्नुहुन्छ। कालो कमिलालाई भगवान विष्णुको स्वरूप मानिन्छ र उनीहरुलाई हरेक बिहान चारा खुवाउँदा दुर्भाग्यको अन्त्य हुन्छ।

बिहान उठेपछि गौ माताको दर्शन गर्न पाउनु पनि भाग्यको कुरा हो। गाईलाई लक्ष्मीको प्रसन्नताको प्रतीक मानिन्छ र गाईको दर्शन गर्दा लक्ष्मीको आशीर्वाद प्राप्त हुन्छ। यस बाहेक तपाई आफ्नै हातले गाईलाई रोटी खुवाउन सक्नुहुन्छ।

बिहान सबेरै धार्मिक ग्रन्थ पढ्नुपर्छ भनिन्छ र यो सम्भव भएन भने कम्तीमा बिहान उठेर नुहाएर धार्मिक पुस्तकको दर्शन गर्नुपर्छ । वेद र गीता जस्ता धार्मिक ग्रन्थहरू हेर्दा दिनभर मानसिक रूपमा ऊर्जावान् महसुस हुनेछ।

धर्म शास्त्र अनुसार बिहान सबेरै उठेर नुहाएर पूजा गर्नुपर्छ । यसो गर्नाले घरमा सुख शान्ति रहन्छ र भगवानको कृपा हुन्छ। पूजाको समयमा हवन र यज्ञ पनि गर्नुपर्छ। तर, यदि दैनिक हवन गर्न सम्भव छैन भने, तुलसीको अगाडि दीप प्रज्वलन गर्न सकिन्छ।